Эмийг эмчийн бичсэн жорын дагуу хэрэглэцгээе. Эмийн зохистой хэрэглээг дэмжигч Монос Групп

Хүргэлтийн утас:
1800-1883

Ринза No 10


MANUFACTURER: Johnson & Johnson LLC


6,400 ₮

Тоо хэмжээ:

  • Наркозын бус үйлдэлтэй өвдөлт намдаах эм, альфа-адреномиметик эм, гистамины Н1 рецепторт хориг үүсгэгч бэлдмэл, сэтгэц сэргээх эмээс тогтсон ханиад ба амьсгалын замын цочимог өвчний шинж тэмдгийн эмчилгээнд хэрэглэдэг нийлмэл найрлагатай бэлдмэл

  •   Нийлмэл найрлагатай бэлдмэл

  •  Парацетамол халуун бууруулах, өвдөлт намдаах үйлдэлтэй бэлдмэл бөгөөд ханиад томууны үеийн толгой, хоолой, булчин, үе мөчөөр өвдөх шинж тэмдгийг намдаан өндөр халууралтыг багасгана. Фенилэфрин нь судас нарийсгах үйлдэл үзүүлэн амьсгалын дээд зам ба дайвар хөндийнүүдийн салст бүрхүүлийн улайлт ба хавагналтыг багасгана. Хлорфенирамин нь харшлын эсрэг үйлдэл үзүүлэн нүд, хамар, хоолойн загатналтыг арилган хамрын хөндий, хамар залгиур, дайвар хөндийн салст бүрхүүлийн хавагналт улайлтыг багасган шүүдэст илрэлийг бууруулна. Кофеин нь ТМС-ийг идэвхжүүлж ядрах, нойрмоглох байдлыг арилган оюуны болон биеийн хүчний ажлын чадварыг нэмэгдүүлнэ

  • 1 шахмалд:Парацетамол 500мгКофеин 30мгФенилэфриний гидрохлорид 10мгХлорфенирамины малеат 2мг

  • Туслах бодис: коллоид кремнийн хоёрч исэл, 4R улаан будагч бодис, эрдэнэшишийн цардуул, повидон (К-30), натрийн метилгидроксибензоат, эрдэнэшишийн цардуул (20% паст-д), магнийн стеарат, цэвэршүүлсэн тальк, натрийн цардуул гликолят, цэвэршүүлсэн ус

  • Дүрслэл: Тод ягаан ба цагаан шигтшил бүхий нэг талдаа хуваахад зориулсан хэрчлээстэй ягаан өнгийн дугуй хавтгай шахмал

  • Ханиад, томуу болон амьсгалын замын цочимог вирусын халдварын шинж тэмдгийн (халуурах, өвдөлтийн хам шинж, нус гоожих) эмчилгээнд хэрэглэнэ

  • Насанд хүрэгсдэд 1 шахмалаар хоногт 3-4 удаа ууж хэрэглэнэ

  • Хоногийн дээд тун 4 шахмал бөгөөд эмчилгээ 5 хүртэл хоног үргэлжилнэ

  • Цээрлэлт:Ринза-г парацетамол болон бэлдмэлийн найрлага дахь бусад бодисуудад хэт мэдрэг өвчтөн, жирэмсэн ба хөхүүл үе, 15 хүртлэх насны хүүхэд зэрэгт хэрэглэхийг цээрлэх ба 3 цагирагт бүтэцтэй сэтгэл уналын эсрэг эм, МАО ферментэд хориг үүсгэх бэлдмэл, бета-адреноблокатор бэлдмэлүүдтэй хамт хэрэглэхгүй.Титэм судасны илэрхий атеросклероз, артерийн даралт ихсэх өвчин, тиреотоксикоз, феохромоцитома, чихрийн шижин, бронхын багтраа, уушгины архаг бөглөрөлт өвчин, глюкоза-6-фосфатдегидрогеназа-ын дутагдал, цусны өвчин, төрөлхийн гипербилирубинеми (Жильбер, Дубин-Джонсон-Роторын хам шинж), элэг ба бөөрний дутагдал, хаалттай өнцөгт нүдний даралт ихсэх өвчин, түрүү булчирхайн томрол зэргийн үед болгоомжтой хэрэглэнэ

  • Гаж нөлөө:Бэлдмэлийг хэрэглэх үед харшлын урвал (арьсны тууралт, загатнах, чонон хөрвөс, судас мэдрэлийн хаван), толгой эргэх, нойр өөрчлөгдөх, сэрэмтгий болох, хүүхэн хараа өргөсөх, артерийн даралт исхэх, зүрхний цохилт олшрох, дотор муухайрах, бөөлжих, аюулхай орчмоор өвдөх, ам хатах, шээсний ялгаралт саатах, нүдний зохирол саажих, нүдний даралт ихсэх, цус багадалт, тромбоцитын тоо цөөрөх, агранулоцитоз, цус задралын цус багадалт, цус төлжилгүйдлийн цус багадалт, метгемоглобинеми, панцитопени, элэг ба бөөр хордуулах, бронх бөглөрөх зэрэг гаж нөлөө илэрч болно

  • Тун хэтэрсний улмаас илрэх нөлөө:Парацетамолыг 10-15г-с их тунгаар хэрэглэсний дараа хордлого үүснэ. Энэ үед арьс цайх, хоолонд дургүй болох, дотор муухайрах, бөөлжих, элэг үхжих, элэгний трансаминазын хэмжээ ихсэх, протромбины хугацаа уртсах зэрэг шинж илэрч болно. Хордлогын шинж илэрвэл эмчид хандана

  • Эмчилгээ: ходоод угаах, идэвхжүүлсэн нүүрс уулгах, шинж тэмдгийн эмчилгээ хийнэ. Хордсоноос 8-9 цагийн дараа метионин, 12 цагийн дараа N-ацетилцистеин хийнэ

  • Эмийн харилцан үйлчлэл:МАО ферментэд хориг үүсгэдэг бэлдмэл, тайвшруулах эм, этанолын үйлдлийн хүчийг тус тус хүчжүүлнэ.Сэтгэл уналын эсрэг эм, паркинсоны эсрэг бэлдмэл, фенотиазины уламжлалын солиорлын эсрэг эм нь өтгөн хатах, ам хатах, шээс саатах эрсдлийг ихэсгэнэ. Глюкокортикостероидууд нүдний даралт ихсэх өвчин үүсэх эрсдлийг нэмэгдүүлнэ. Парацетамол шээс хөөх эмийн үйлдлийг сулруулна.Хлорфенираминыг МАО ферментэд хориг үүсгэх бэлдмэл, фуразолидонтой хамт хэрэглэвэл гипертонийн криз, цочромтгой болох, биеийн халуун хэт өндөр болох зэрэг шинж илэрнэ.3 цагирагт бүтэцтэй сэтгэл уналын эсрэг эмүүд фенилэфриний адреномиметик үйлдлийг хүчжүүлнэ. Галотантай хамт хэрэглэхэд ховдлын аритми үүсэх эрсдэл нэмэгдэнэ.Фенилэфриний альфа-адреномиметик үйлдэл ихэссэнээр гуанетидины даралт бууруулах үйлдэл суларна.Ринза бэлдмэлийг барбитурат, дифенин, карбамазепин, рифампицин, элэгний микросомын ферментийг идэвхжүүлэгч бусад эмүүдтэй хамт хэрэглэвэл парацетамолын элэг хордуулах үйлдэл ихсэнэ

  • Онцгой анхааруулга!Эмчилгээний явцад согтууруулах ундаа, нойрсуулах ба сэтгэл засах эм хэрэглэхээс зайлсхийнэ. Парацетамол агуулсан бусад эмийн бэлдмэлтэй хамт хэрэглэхгүй.Сэтгэцийн түргэн урвал ба хөдөлгөөний хурд шаардлагатай ажил үүрэг гүйцэтгэдэг хүмүүс болгоомжлох хэрэгтэй. Хэрэв өвчний шинж эмчилгээний 3-5 хоногийн хугацаанд сайжрахгүй байвал эмчид хандана

Хамт худалдан авдаг бараа


Review


Guest - 2015-12-30 17:41
Tanai harhorind baidag aprekas ene emig 3000 tugruguur avsan ene medeelel deeree 2500 gesen baih yum ymar uchirtai yum be unee shinechildeggui yumuu
1800-1883 Лавлах төвийн эмч Б.Золжаргал - 2015-12-30 17:41
Сайн байна уу бид үнээ шинэчилье. Баярлалаа
Guest - 2016-10-07 09:40
Bi uchigdur tanai 5 shariin salbaraas ринза, проспан avsan yum. 7 garantai huuheddee проспан avahad tanai ajiltan sirop ni 1 nasnaas deesh nasnii huuhed uudag, duslaar uudagiig ni nyaraigaas ehelj uudag gehr ni duslaar uudagiig ni avaad huuheddee ugsun. mun ринза-g sniptei yag adilahn uilchilgeetei gd l bsan getel huhuul hun uuj bolohgui gesen bhiin. tanai ajiltnii zuvulsun ene site deerhi medeelel 2 asar hol zurj bna. Tanai ajiltan nar medleg mash muutaigaas bolj avsan 2 em maana 2laa uuj, hereglej bolohrgui bh yum. Iim hariutslagagui bj boloh uu?????? zarj bgaa em bolood buteegdehuuniihee talaar medleg undur bh yostoi bizdee. em avah gesen bolohs hor avah gesen yumuu!!!!!!
1800-1883 Лавлах төвийн эмч Эмч Ж. Давааболор - 2016-10-07 09:40
Сайн байна уу, Уучлаарай таны санал гомдлыг хүлээн авлаа, хүсвэл та таван шарын салбарлуу холбогдож болноо, 98658612
Guest - 2018-04-01 01:07
Нарны хорооллын салбараас саяхан энэ эмийг хөхүүл үед ууж болох уу гэж 3 удаа асуухад болно оо гээд өгч явуулсан. Энд хөхүүл үед хэрэглэж болохгүй гэчихсэн байх юм. Яаралтай энэ эмийг буцаамаар байна
1800-1883 Лавлах төвийн эмч эмч М.Дэлгэрцэцэг - 2018-04-01 01:07
сайн байна уу? та салбар дээр баримтаа аваад очиж болно оо баярлалаа.