Томоохон хэмжээний мэс ажилбар хийлгэж буй өвчтөнд венийн судасны тромбо-эмболигоос урьдчилан сэргийлэх зорилгоор 1 шахмал буюу 10мг тунгаар өдөрт 1 удаа ууж хэрэглэнэ

Хальсан бүрхүүлт 1 шахмалд: Идэвхитэй бодис: Ривароксабан 10мг, Туслах бодис: бичилталстат целлюлоз, кроскармеллоз натри, гипромеллоз 5сР, лактоз моногидрат, магнийн стеарат, натрийн лаурил сульфат, Бүрхүүл: төмрийн улаан оксид, гипромеллоз 15сР, макрогол 3350, титаны диоксид агуулагдана

Ривароксабан эсвэл эмийн бэлдмэлийн найрлага дахь аль нэг туслах бодист хэт мэдрэг байх, Эмнэл зүйн ач холбогдол бүхий идэвхитэй цус алдаж байх, Их хэмжээний цус алдалтанд хүргэж болох эрсдэлт хүчин зүйлтэй байх, эмгэг байдал болон алдагдалтай байх, жишээ нь: ходоод гэдэсний шархлаатай байх, эсвэл саявтархан шархлаатай байсан, цус алдах өндөр эрсдэлтэй хорт хавдартай байх, тархи болон нурууны нугасны гэмтэл саявтархан авсан байх,  тархи, нурууны нугас эсвэл нүдэнд саявтархан мэс ажилбар хийлгэсэн байх, гавлын дотоод цус харвалт болж байсан, улаан хоолойн венийн өргөсөл оношлогдсон эсвэл сэжиглэгдэж буй, артери, венийн хөгжлийн гажиг, судасны цүлхэн эсвэл тархи, нурууны нугасны том судасны гаж хөгжил зэрэгт хэрэглэхийг хориглоно . Мөн бусад аль нэг антикоагулянт эмчилгээ хийлгэж байгаа, жишээ нь: фракцлагдаагүй гепарин, бага молекул жинтэй гепарин (эноксапарин, дальтепарин зэрэг), гепарины уламжлалт нэгдэл , Жирэмсэн ба хөхүүл үе болон 18 хүртэл насны хүүхэд ба өсвөр үеийнхэнд хэрэглэхийг хориглоно