Тунг эмчлэгч эмч тухайн өвчний явц, тухайн хүний биеийн онцлогт тохируулан тогтоож өгнө. Бэлдмэлийг 2.5 мг-аар хоногт 1 удаа хэрэглэнэ. Хавдрын үсэрхийлэлтэй өвчтөнд бэлдмэлийг уг өвчний идэвхижлийн шинж тэмдэг арилтал үргэлжлүүлэн хэрэглэнэ. Хавдрын хэмжээг боломжит хэмжээнд багасгах зорилготой неоадьювант эмчилгээний горимын (хагалгааны өмнөх) үед бэлдмэлийг 4-8 сарын турш хэрэглэнэ. Хавдрын хэмжээ багасахгүй, хангалттай үр дүнд хүрэхгүй тохиолдолд мэс заслын эмчилгээг төлөвлөх эсвэл өвчтөнтэй дараагийн эмчилгээний сонголтыг хэлэлцэн шийдвэрлэнэ.

 Үйлчлэх бодис летрозол (letrozole) 1 шахмалд 2,5 мг агуулагдана, Туслах бодис коллоид усгүй кремнийн диоксид, бичилталстат целлюлоз, лактоз, моногидрат, магнийн стеарат, эрдэнэшишийн цардуул, натрийн крахмалгликолят, гидроксипропилметилцеллюлоз, полиэтиленгликоль 8000, тальк, титана диоксид (Е 171), төмрийн шар исэл (Е 172).
 

Бэлдмэл нь хөхний хорт хавдрын тархмал хэлбэрийн анхдагч ба хоёрдогч шугаман эмчилгээний ба өмнө нь тамоксифенээр стандарт эмчилгээ хийлгэж байсан эмэгтэйн хөхний хорт хавдрын эрт үеийн нэмэлт, удаашруулсэн нэмэлт эмчилгээний үед бүх судалгаанд ерөнхийдөө сайн шингэцтэй байсан. Даавар сөрөг эмгэгийн үед летрозолыг хэрэглэх заалтгүй. Ерөнхийдөө ажиглагдаж буй сөрөг урвал нь гол төлөв хөнгөн эсвэл дундаж түвшнийх байсан бөгөөд ихэнх тохиолдолд эстрогены дутагдалтай холбоотой үүссэн байна. Дийлэнх тохиолдолд, эмнэлзүйн судалгаагаар сөрөг урвал нь халуун оргих, үеэр өвдөх, дотор муухайрах ба ядарч сульдах шинжээр илэрсэн байна. Ихэнх сөрөг урвалыг эстрогены дутагдлаас болсон жирийн фармакологийн үр дагавар гэж үзэж болно. Жишээ нь: халуун оргих, үс халцрах болон үтрээний цус алдалт юм. Бэлдмэлийг 30ºС-ээс дээшгүй хэмд чийгшилтээс хамгаалсан өөрийнх нь савалгаанд нь хүүхэд хүрэхгүй газарт хадгална.