Шахмалыг хооллох үед усаар даруулж ууна, остеоартроз: хоногт 7,5мг тунгаар хэрэглэх бөгөөд шаардлагатай үед тунг 15мг хүртэл нэмэгдүүлж болно, хэрэхийн гаралтай артрит: хоногт 15мг тунгаар хэрэглэх бөгөөд  эмчилгээний үр дүнгээс хамаарч хоногийн тунг 7,5мг хүртэл багасгаж болно.Хөдөлгөөн нь хязгаарлагдсан спондилит: хоногт 15мг тунгаар хэрэглэнэ, янз бүрийн шалтгаантай өвдөлтийн хам шинжийн үед: бэлдмэлийг хоногт 7,5мг-с эхэлж хэрэглэх ба шаардлагатай үед тунг 15мг хүртэл нэмэгдүүлж болно.
Хоногийн дээд тунг 15мг-с хэтрүүлэхгүй,18-аас дээш насны өсвөр үеийнхэнд 0,25мг/кг тунгаар хэрэглэхийг зөвлөнө, Бөөрний хүнд явцтай дутагдалтай өвчтөнд гемодиализын үед тунг хоногт 7,5мг-с хэтрүүлэхгүй,эмчилгээний үргэлжлэх хугацааг эмчлэгч эмч хүн бүрт өвөрмөцөөр тохируулна.

1 шахмалд: Үйлчлэгч бодис: 7,5мг мелоксикам Туслах бодис: усгүй лактоз, кросповидон, повидон (ПВП К30), бичил талст целлюлоза РН 102, натрийн цитрат, коллоид кремнийн хоёрч исэл (Аэросил 200), магнийн стеарат.

Хоол боловсруулах замын дээд хэсгийн эмгэгтэй өвчтөн болон цусны бүлэгнэлтийг саатуулах эм хэрэглэж байгаа настай өвчтөн зэрэгт болгоомжтой хэрэглэнэ.хоол боловсруулах замын улайлтат-шархлаат эмгэг болон цус алдалт үүсвэл бэлдмэлийг зогсооно, бронхын багтраа, хамрын салст бүрхүүлийн уйланхай, судас мэдрэлийн хаван,  чонон хөрвөс илэрч байсан өгүүлэмжтэй өвчтөнд бэлдмэлийг хэрэглэхгүй,арьсны тууралт болон салстын гэмтлийн шинж илэрвэл бэлдмэлийг хэрэглэхээ яаралтай зогсооно,мелбек бэлдмэлийг зөвхөн насанд хүрэгсдэд болон 18-с дээш насны өсвөр үеийнхэнд хэрэглэж болно.