Судсанд дуслаар тарьж хэрэглэнэ, насанд хүрэгчдэд хоногт 50мл -200 мл тунгаар судсанд дуслаар (1 минутад 40–60 дусал), эмчилгээ эхний 2 долоо хоногт 50–100 мл уусмалыг хоногт 2 удаа судсанд хийнэ. Хоногийн дээд тун 200 мл, маш яаралтай, хойшлуулшгүй тохиолдолд, тунг эхний 24 цагийн хугацаанд эмчилгээний дээд хэмжээнд хүргэх боломжтой, бэлдмэлийн тун ба эмчилгээг үргэлжлүүлэх хугацаа тархины гэмтлийн (цус харвалтын хэмжээ г.м) зэргээс  хамааран эмчлэгч эмч ялгавартай тогтооно. Ахимаг болон өндөр настанд тунг тусгайлан тогтоох шаардлагагүй

Үндсэн үйлчлэгч бодис 1 мл уусмалд цитиколинт натри ( цитиколинд тооцсоноор) 10 мг, натрийн хлорид 6 мг, калийн хлорид 0,4 мг, кальцийн хлорид дигидрат 0,27 мг, натрийн лактат 3,2 мг. Осмос чанар (онолын хувьд) 288,3 м Осмоль. Туслах бодис тарилгын ус.

Бэлдмэлийн найрлагад орсон аль нэг бодист хэт мэдрэгшилтэй болэргэлдэх цусны эзэлхүүн хэт ихэссэн, цусан дахь натри, кали, хлор ихэссэн бол, цусны даралт ихдэлтийн хүнд хэлбэр, зүрхний үйл ажиллагааны дутагдлын ээнэгшлээ алдсан үед, шээсний гарц багассан эсвэл шээс гарахгүй байгаа үед, элэгний үйл ажиллагааны дутагдал, бөөрний үйл ажиллагааны цочмог дутагдал, уушги ба тархи хавагнасан үед хэрэглэхгүй. Сэтгэцийн өөрчлөлт хий юм харах, сонсох - галлюцинаци, мэдрэлийн тогтолцооны талаас толгой хүчтэй өвдөх, толгой эргэх, артерийн даралт ихдэх, артерийн даралт буурах, зүрхний хэм түргэсэх, амьсгалын тогтолцооны талаас амьсгалах үйл явц хямрах, огих, бөөлжих, суулгах гаж нөлөө илэрч болзошгүй.