Үйлчлэгч бодис: 1 шахмалд 5 мг амлодипин (6,94 мг амлодипин безилат хэлбэрээр) болон 10мг лизиноприлыг (10,88мг лизиноприл дигидрат хэлбэрээр) тус тус агуулна

Гаж нөлөө: Ердийн, хөнгөн, түр зуурын болон цөөн тохиолдолд эмийн эмчилгээг зогсоох гаж нөлөөгөөр илэрнэ. Элбэг тохиолдох гаж нөлөөнд: толгой өвдөх (8%), ханиалгах (3%), толгой эргэх (3%).Инфаркт миокард, гипотони болон бөөрний үйл ажиллагаа алдагдсан хяналтын эмчилгээний бүлгийн өвчтөнд эм хэрэглээгүй бүлэгтэй харьцуулахад гаж нөлөө элбэг тохиолддог.Үйлчлэгч бодис дараах гаж нөлөөгөөр илэрнэ: бие сулрах, суулгалт, дотор муухайрах, ортостатик гипотони, арьс загатнах, цээжээр өвдөх, арталги (1-3%) гэсэн гаж нөлөөнүүд орно

Бусад гаж нөлөө <1%.Хэт мэдрэг харшлын ангиодем тохиолддог бөгөөд эмнэлзүйд нүүр, захын мөчүүд, уруул, хэл, тагнай болон төвөнхийн хаван 0,1% тохиолдоно. Энэ тохиолдолд эмийн эмчилгээг шууд зогсоож эмнэлзүйн шинж тэмдэг арилтал эмчийн хяналтанд байлгана

Хориглох заалт: Бэлдмэлийн найрлаганд орсон бодист хэт мэдрэгшсэн, дигидропиридины уламжлалд хэт мэдрэгшсэн, асуумжинд АХФ-ийг хориглогч бэлдмэлд харшилж ангионевротик хаван үүсгэдэг удамшлын болон идиопатик ангиодемтай өвчтөнд, гемодинамикийн талаас: аортын нарийсалтай ба митраль хавхлагын нарийсалтай болон гипертрофик кардиомиопатитай зүрхний шок, жирэмсэн ба хөхүүл эхэд (жирэмсэн болон хөхүүл эх хэрэглэх заалтаас харна уу), хүүхэд (эмийн үйлдэл болон аюулгүй байдлын судалгаа байхгүй)

Тусгай заалт: Экваторыг хэрэглэх явцад, ялангуяа шээс хөөх бэлдмэлийг хэрэглэсэн эсвэл бусад шалтгаанаар шингэнийг ихээр алдсан (их хэмжээгээр хөлрөх, удаан хугацаагаар гүйлгэх болон бөөлжих) өвчтөнд гипонатриеми/эсвэл гиповолемитэй байдагтай холбоотойгоор гипотони ажиглагддаг. Гипотони ажиглагдсан өвчтөнийг хэвтүүлэн шаардлагатай гэж үзвэл шингэн юүлнэ (физиологийн уусмал).Эмийн эмчилгээг хийхийн өмнө өвчтөний гипонатриеми болон гиповолемийг хэвийн болгон дараа нь эмчилгээний эхний тунг хэрэглэсний дараа цусны даралт яаж өөрчлөгдөхийг анхаарна уу? Экватор нь судас өргөсгөдөг бусад бэлдмэлийн нэгэн адил цус гадагшлуулах замын амсрыг нарийсгадаг тулд гол судасны нарийсалттай болон гипертрофийн кардиомиопатитай эмгэгийн үед болгоомжтой хэрэглэнэ

Бөөрний үйл ажиллагааны эмгэгийн үед: Бөөрний судасны нарийсалт (ялангуяа хоёр талын болон ганц бөөртэй хүний бөөрний судасны нарийсалт), гипонатриеми эсвэл гиповолеми болон судасны эргэлтийн дутагдлын үед лизиноприлыг хэрэглэх явцад бөөрний үйл ажиллагааг дарангуйлах эсвэл бөөрний дутагдалд хүргэдэг. Эмчилгээг зогсоох үед буцаад хэвийн байдалд ордог.АХФ-ийн хориглогч бэлдмэлийн нэгэн адил лизиноприлыг хэрэглэх явцад нүүр, захын мөч, уруул, түнх болон залгиурын ангионевротик хаванг үүсгэдэг. Энэ тохиолдолд эмийн эмчилгээг шууд зогсоож шинж тэмдэг арилтал эмчийн хяналтанд байлгана.Нүүр, уруул болон үе мөчинд байсан хаван арилдаг боловч хавангийн эрчийг бууруулах зорилгоор харшлын эсрэг бэлдмэлийг хэрэглэнэ.Төвөнхийн ангионеротик хаван нь үхэлд хүргэх аюултай. Хэл, төвөнхийн дээрх болон залгиурын хаван нь амьсгалын зам бөглөх аюултай тул яаралтай эмийн эмчилгээг шаардана: 0,1%-ийн адреналины уусмалаас 0,3-0,5мл-ийг (0,3-0,5мг) арьсан дор эсвэл судсанд аажим тарьж дараа нь 0,1мл (0,1мг) глюкокортикоид, харшлын эсрэг бэдлмэлийг амьдралын чухал эрхтэний үйл ажиллагаанд хяналтын дор тарина. Мэс заслын ажилбар, мэдээгүйжүүлэлт: том хэмжээний мэс ажилбар мөн гипотони үүсгэдэг мэдээгүйжилтийн бэлдмэлээр үүсгэхэд лизиноприл нь хоёрдогчоор ангиотензин II үүсэлтийг багасган ренины ялгаралт ихсэнэ. Энэ үед үүссэн гипотонийн үед физиологийн уусмалыг тарина.Гемодиализын үед өндөр нэвчимтгий чанартай полиакрил-нитрилийн ялтас болох AN 69-ыг хэрэглэснээр АХФ-ийг хориглогч бэлдмэлийг хэрэглэдэг өвчтөнд анафилаксийн шокийг үүсгэдэг. Иймээс энэ хоёрыг хамт хэрэглэхээс зайлсхийх, эсвэл даралт бууруулдаг өөр бэлдмэл болон эсвэл диализийн өөр ялтасыг сонгох шаардлагатай.Үе хөлтөний аллергены эсрэг мэдрэлжилтыг бууруулах зорилгоор хэрэглэдэг бэлдмэлийг АХФ-ийг хориглогчтой хамт хэрэглэхэд анафилаксийн урвал үүсгэдэг. Энэ эрсдэлээс зайлхийхийн тулд түр зуур АХФ-ийг хориглогчийн хэрэглээг зогсоох шаардлагатай.Агранулоцитоз үүсгэхгүй гэсэн нотолгоо байхгүй тулд цусны үзүүлэлтийг тогтмол хянах шаардлагатай

Хижээл настанд эмчилгээний тунгаар экваторыг хэрэглэхэд цусанд агуулагдах эмийн бодисын хэмжээ өндөр хэмжээтэй байдаг тулд болгоомжтой хэрэглэнэ (гэхдээ залуу болон хижээл настанд эмчилгээний үйлдэл нь адилхан байсан).Элэгний эмгэгтэй өвчтөнд амлодипины хагас ялгаралтын хугацаа уртасдаг. Энэ талаар үзүүлэлт байхгүй учир хувь хүнд зохицсон үр дүн эрсдлийг тооцон болгоомжтой хэрэглэнэ.Бусад АХФ-ийг хориглогч бэлдмэлийн нэгэн адил бэлдмэлийг жирэмсэн эх хэрэглэхгүй. АХФ-ийг хориглогч бэлдмэлээс бусад сонголт байхгүй тохиолдолд жирэмслэх гэж төлөвлөж байгаа эмэгтэйд уг бэлдмэлийг цусны даралт бууруулах зорилгоор хэрэглэж болно. Харин жирэмслэсэн тохиолдолд бэлдмэлийн хэрэглээг зогсоож эсвэл даралт бууруулах өөр эмийн бэлдмэлд шилжинэ

Жирэмсэн болон хөхүүл үед: Бусад АХФ-ийг хориглогчийн нэгэн адил экваторыг жирэмсэн эхэд хэрэглэхийг цээрлэнэ. Жирэмсэнг тогтоосон даруй экваторын хэрэглээг аль болох түргэн зогсооно. Гэхдээ эхийн эрүүл мэнд ургийн эрүүл мэндээс чухал гэж үзсэн тохиолдолд эмийн эмчилгээг үргэлжлүүлэн хэрэглэнэ.АХФ-ийг хориглогч, ялангуяа лизиноприл нь жирэмсний эхний хоёр ба гуравдахь гурван сард хэрэглэхэд урагт сөрөг нөлөө үзүүлнэ, зарим тохиолдолд үхэлд ч хүргэнэ. Жирэмсний 9-12 долоо хоногоос эхлэн жирэмсэн эхэд гипотони, бөөрний дутагдал болон гиперкалиеми үүсэх нь ургийн эрхтэний үйл ажиллагаанд сөргөөр нөлөөлдөг. Ураг орчмын шингэний хэмжээ эрс багассанаар ургийн нүүр, гавал яс болон захын мөчдийн хөгжил саатаж улмаар үхэлд хүргэх магадлалтай. Харин жирэмсний эхний гурван сард дээр дурьдсан гаж нөлөө илрэхгүй. Дигидропиридины уламжлалын зарим бэлдмэл нь амьтанд хийгдсэн зарим туршлаганд урагт хортой нөлөө үзүүлдэгийг тогтоосон байдаг бол харх, туулайд хийгдсэн судалгаанаас үзэхэд амлодипин нь урагт тератоген үйлдэл үзүүлдэггүйг тогтоожээ. Кальцийн антагонист Амлодипин нь харханд жирэмсний хугацаа болон төрөлтийн хугацааг уртасгаж байсан. Хөхүүл эх лизиноприл нь хөхний сүүгээр гадагшилдаг учир экваторыг хөхүүл эх хэрэглэхгүй. Харин амлодипин хөхний сүүгээр гадагшилдаг гэсэн үзүүлэлт байхгүй